بعد عمليات السطو .. الاردنيون يعلقون ساخرين

علق  النشطاء  الاردنيون  على  مواقع  التواصل الاجتماعي  على عمليات  السطو  التي  حدثت  يوم  امس  حيث ان  ثلاث  عمليات  تمت  يوم  امس  ، فتحت  قريحة النشطاء الذين  جاءت  تعليقاتهم  الساخرة  كالتالي :

** موسم السطو تأخر السنه كان يجي في شهر سبعه لغاية عشرة

** هاد فيلم جديد يلهوا الشعب فيه
صرنا حافظين هاي الأفلام عن غيب
ياريت يغيروا المخرج و المنتج و الممثلين عشان نحس بشوية واقعيه

** الفقر والبطاله والمظاهر الكذابه هي السبب للاسف

** لا حول ولا قوة إلا بالله
البطاله.. الجوع.. الفقر.. الأسباب الرئيسية وراء هذة الأعمال.

** عالأغلب في رفعة للأسعار

** انا مش عاجبني الأمر
نحن في بلد عربي إسلامي وشعب نعرف الأصول والنخوة فكيف نعتدي ونسرق ما ليس لنا!!

** عفكرة هدول نفس العصابة منفذين السطو على اماكن متقاربة جدا وفيها زحمة ليتأخر وصول الأمن وكمان محاطة بالعديد من الطريق الفرعية والأحياء، مدروسة بعناية..

** ٧٠ الف بس؟!
الاردنيين بسطاء وهما بيسرقو كمان
يا رب افرجها من وسعك ع الاردن وشعبه بس ؛ والمسؤولين لا يا رب

** حلو في خازوووق مرتب اسبوع الجاي ان شاء والله عيب نفس القصه صار فليم محروق بدنا شي احلى

** حركات وقصص
ربع ساعه القاء القبض على العصابه الي سرقت البنك
واعادة المبلغ المسلوب
فيلم هندي حكومي والغرض منه غير معروف او معروف بس احنا مطنشين بمزاجن

** تكرار عملية السطو على البنوك تشبه الوعود بعملية الاصلاح الاقتصادي

** ابصر شو بدهم يطلعوا قرار بدهم يغطوا عليه بهالقصة خلص مكشوفة صارت لاقولكم سلافة جديدة

** كثرت حوادث السطو على البنوك والكازيات شوعم يصير بهالبلد هي ناقصه

** يا اخوان انتو ما تزهقوش . اعطونا يوم واحد من دون انجازات
بدنا نشوف اعيالنا

** شو قصة بداية الشتوية مع السطو المسلح
معناتو في رفعت مشتقات نفطية

** افلام اجنبية مترجمة باللغة العاجلة منتدى البرامج المشروحة قسم الكذب

** لسا مبارح كنا منحكي الحمدالله بطل في هيك سوالف , مش لو جبنا سيرة مليون ليرة احسن

** أمر طبيعي هاذا الحكي الناس ماتت من الجوع
والغلا دمر الناس … ووصلت في الناس يبيعوا أثاث بيتهم
يعني أنا مش مستغرب …!

** ايوه من زمان بدنا حركه الحال موقف اله فتره من بعد المعلمين صرنا نتابع لبنان من الزهق

**هاي المسلسل صار 10 أجزاء مثل باب الحاره

**الحمد لله على السلامة . وين كانوا اخوانا جماعة السطو مختفين؟؟؟
وين السطو بكرة ؟؟؟؟

**وبدءأالفلم الهندي لالهاء الشعب عن رفع اسعار لمواد ضرورية للناس في فصل الشتاء شكلهم مش متعظين مما يحصل في لبنان

** شكلو في رفعة اسعار جديدة وبدهم يلهو الشعب بهاد الموضوع

** رجع السطو يا كبير .طيب متى الخطف ناويين تنزلوه .مع الشتوي احسن . سيناريو لبنان عالطريق