الشاب علاء صالح قبل وفاته:ليش اتأخرت يا دكتور مستنيك من زمان عشان تلقني الشهادتين

نشر طبيب مصري اليوم الخميس تفاصيل الساعات الأخيرة للمرحوم المصري علاء صالخ الذي كان يصارع المرض داخل احدى المستشفيات المصرية ،حيث انه شعر بقرب انتهاء أجله فطلب من الطبيب ان يلقنه الشهادتين لأكثر من مرة.

وتاليا ما كتبه الطبيب عبر حسابه في فيسبوك..

دخلت عليه العنايه س ١١ م
اول ما شافني قالي اتاخرت عليا ليه يا دكتور محمد انا مستنيك من زمان
قلتله لسه عارف حالا والله
قالي طيب يالله تعالي بسرعه وشاور علي ودنه وقال لقني الشهاده
قلتله انت زي الفل يا علاء وحتروٌح معانا كمان شويه باذن الله
قالي لقني بسرعه يا دكتور مفيش وقت
اتلخبطت ومابقتش عارف اعمل ايه
قربت من ودنه وقلتله قول ورايا
اشهد ان لا اله الا الله واشهد ان محمدا رسول الله
قالها وهو متمكن منها
قلتله صليت العشا
قالي اه
قلتله ايه رايك تصلي ركعتين بنية التوبه
قال وضيني
وضينه وصلي ركعتين وقعد يستغفر
قالي حيسألوني علي ايه في القبر
قلتله ماتخافش يا علاء صلاتك في المسجد وحرصك علي الصف الاول وقراءتك للقرآن حيشفعلك وحيخليك تنجح في الامتحان
وفضلت ساعتين اردد ذكر واستغفار وهو يردد ورايا
قلتله اسيبك تريح شويه
قالي لا انا عايزك تكون اخر حد اشوفه قبل ما اموت
بعدها دخل في غيبوبه
والله صوابعه عماله تسبح وهو في الغيبوبه
وكل لما يفوق ثواني ويحس اني جنبه يمسك ايدي ويحطها علي ودنه وكأنه بيقولي لقني الشهاده فألقنه فيسيب ايدي
والله يا علاء انا شفت كتير بس ما شفتش حسن خاتمه زي بتاعتك دي ابدا
صدق من قال من عاش علي شيء مات عليه
فقد عشت علي الذكر وقد مت عليه يا حبيبي
ربنا يتقبلك في الصالحين
ويجعل صبرك علي مرضك ورضاءك بقضاء الله وحرصك علي الصف الاول سببا في فوزك بالفردوس الاعلي
اللهم امين
#صدق_الله_فصدقه
#حسن_الخاتمه