ابراج اليوم الاحد 10 يناير 2021 مع ماغي فرح
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
توقعات برج الحمل اليوم الاحد 10 يناير 2021 ماغي فرح
الحمل ♈
مهنياً:يوم في اتصالات وناس جديدة وبعيدة وعم تفكر تسافر او عم تتواصل معك اشخاص من الخارج وممكن فكرة سفر لشغل او دراسة .. في نشاط وطاقة وتحسن بوضع شغلك وعيلتك وعم تعمل علاقات جديدة حتى شعبيتك عم تزيد .. يوم في تنقلات وزيارات وعم تكسر روتينك الممل في اختبارات بوضعك وقصة عقار وشي بخص دراسة بس انتبه لقصة سيارة او موبايل .. والبعض انتبهةشوي ع سمعتك بلاخص من ناس ضمن شغلك ..
عاطفياً:في كاريزمة وطاقة وارتفاع منسوب العاطفة عندك .. عم تكون محبوب والعين عليك زاخبار حلوة ناطرتك وعم تتعرف على اشخاص جدد والقلب عم يدق من جديد .. عم تكون دبلوماسي مع الشريك وانت ماحابب تعمل مشكلة او تصعد اي خلاف وعم تغض نظر عن الاستفزازات .. الحظ بحالفك عندك خيارات عاطفية لا تتردد فيها ممكن ارتباط بهاليوم وبلاخص لاعزب..
صحياً:أعتمد نظام غذائي جديد بس نتبه من اي شي ممكن يسبب زيادة بالوزن ..
❤غنيتك ❤اليوم:على بالي .. شيرين
توقعات برج الثور اليوم الاحد 10 يناير 2021 ماغي فرح
الثور ♉
مهنياً:يوم افضل وداعم الك بتغيرات وحظ .. عم تحل مشاكل ممكن ادارية او قصص اوراق وعقارات ومع المقربين منك .. عم تحكي بامور مالية ونقاشات وعم يكون في تواصل وانفتح اكبر واشخاص من الخارج او غريبة عم تتواصل معك يوم في مال وحلول لقصص ومعاملات ابذل جهد لتنجح وتغير من وضعك .. يوم في استقرار نسبي خطوات جديدة وايجابية زيارات او مشوار واتصالات كتيرة وبدي باركلك ..
عاطفياً:بعرف صبرت كتير وتعب هدي هاليوم وحاول تصلح الامور وماتصعد الخلافات .. ممكن مافي هاتقارب او في جفا بالمشاعر او بعُد فكر كيف تستغل الامور لتحل مشاكلك وتتقرب اكتر واعطي الاهتمام ولا تخلي أفكارك سودة تأثر على علاقتك او اي شي يسبب البعد وتوتر .. هديلي حالك هالفترة صبرت كتير وعانيت كتير ونشالله الحلول قريباً والمسا الاجواء غير وتحسن بالوضع ..
صحياً:شفاء من مرض و بحاجة تغير جو مع ناس بتحبك وترتاح من ضغوط ..
❤غنيتك ❤اليوم:لا تقوليلي ولا بقلك .. معين شريف
توقعات برج الجوزاء اليوم الاحد 10 يناير 2021 ماغي فرح
الجوزاء ♊
مهنياً:شكلك عصبي اليوم ومو متحمل حدا وعلى ابسط كلمة ممكن تعمل مشكلة لهيك روق وهدي حالك وفكر بشراكة افضل الك .. بدك تكون دبلوماسي والا بدك تتوقع مشاكل بالبيت وبشراكاتك ومع رفقاتك .. عم تبذل جهد وعم تساير لا تتسرع بكلامك او تدخل بمواجهات وحاول تكون بعيد عن اجواء العمل الروتيني ضب ايدك مالياً ونتبه تخسر او تتوتر علاقتك ببعض الشركاء .. خليك اجتماعي وعم تهتم لقصة حدا بالعيلة ..
عاطفياً:مدايق من تصرفات و ردود افعال الشريك المستفزة وضعك العاطفي متقلب مافي استقرار ممكن سبب اشخاص مصالح حولك وبلاخص الفترة الي راحت كان عندك عقبات ومشاكل وضغط نفسي وكانت الامور متوترة .. بشوية هدوء وتركيز ومسايرة ممكن امورك تروح نحو الاستقرار عندك اتصال مهم او ممكن تلتقي بشخص اما جديد او غالي وممكن البعض عندو ارتباط وشراكة جديدة عاطفية ..
صحياً:اهتم بصحتك وصحة حدا عندك ومو ناقصك تعب او وعكة جديدة ..
❤غنيتك ❤اليوم:بعد الي صار .. شهد برمدا
توقعات برج السرطان اليوم الاحد 10 يناير 2021 ماغي فرح
السرطان ♋
مهنياً:مرق هاليوم ع خير وانتبه من امور بشغلك ولا تعب حالك حتى ماتتعرض لوعكة صحية .. بتحس مافي شي عم يكمل او يظبط معك ويوم في ضغوط بالعيلة وبشغلك وممكن شغل جديد لهيك بدي منك تتحمل المسؤوليات وترتب وضعك منيح واستغل الوقت .. فكر بشي جديد او شراكة و عيد حساباتك
وتدريجي وضعك بيرتاح ..
عاطفياً:يمكن شريك ماعم يقدر وضعك ويومك في ضغط عاطفي وماني حاسك مرتاح .. بحاجة وضعك لراحة والاهتمام ويكون في دبلوماسية وتبعظ عن اي توتر او سوء تفاهم ممكن يكبر ولا تستمر بعلاقة مارح تجيب نتيجة .. فكر بحالك والفترة القادمة توقع اجواء عاطفية مهمة بلقاءات وممكن ارتباط بشكل مفاجئ وسريع ..
صحياً:بعد عن محيطك لترتاح صحياً وبلش بشي جديد على صعيد لياقة او حمية او نادي ..
❤غنيتك ❤اليوم:زعلي طول أنا وياك…فيروز
توقعات برج الاسد اليوم الاحد 10 يناير 2021 ماغي فرح
الأسد ♌
مهنياً:الأجواء ايجابية حظ وطاقة وناس وعلاقات وفي خبر حلو وعم تحل مشكلة ممكن صحية او مالية ومشاكل البيت عم تتلاشا شوي شوي .. لازم تبذل جهود لترتاح ضمن بيتك وشغلك او اذا عندك امور قضائية وادارية بتنحل قريباً .. خلص شغلك المكلف به عندك اتصالات وناس كتار وموضوع بخص سفر ومال بيشغلك وعم تهتم بأطفالك وممكن مشوار معن ..
عاطفياً:يوم جيد حب وعاطفة وجاذبية وحب قديم ممكن يحاكيك .. بتقدر تمتلك قلب الشريك وبتقضي وقت معو بين اتصال اولقاء وتواصل طويل .. حاول لا تفتح مواضيع قديمة او مو وقتها هلق حتى لا تدخل بجدال او نقاش مابجيب نتيجة ..اوقات حلوة وممكن شي جديد بيومك وعاطفة حميمية ولاعزب جهز حالك هالفترة للقاء او ارتباط عن طريق صدفة ..
صحياً:عم تهتم بصحة حدا عندك وانت انتبه لصحتك شوي ولا تعب حالك ..
❤غنيتك ❤اليوم:بالبنط العريض .. حسين الجسمي
توقعات برج العذراء اليوم الاحد 10 يناير 2021 ماغي فرح
العذراء ♍
مهنياً:يومك بعدك مشغول بقصص عائلية ومالية رتب امورك لان في قصص مالية رح تشغلك كمان مشغول بالك على حدا بالبيت ولا تدايق على شي مرق يومك على خير .. ركز بوصعك وخلص المهم بشغلك وبيتك القرارات سريعة مهمة بس بلا عصبية وانتبه من الحساد كتار الي عم يحاولوا يفشلوك .. في قصة عقار او ممكن تغيير مكان وعم تعمل تغييرات والبعض عندو خبر عائلي حلو ..
عاطفياً:روق اليوم وتغييرات حلوة قادمة ذكريات عم تعيشها او البال مشغول بحدا وقديم ممكن .. مانك مرتاح وبحاجة لتكون صبور بعرف ضغط عليك كبير وحاسس بضجر وملل بعلاقة او سوء تفاهم من اي شي عم يصير ..بنصحك تهدي وتروق وبلا انفعال تواصل خافف وشكوك عم تزيد لمسا في سهرة وعم تخطط لشي مع الشريك وحب ببلش ..
صحياً:صداع والم بالمعدة وسبب عم تستهتر بوضعك وماعم تهتم بحالك ..
❤غنيتك ❤اليوم:بنت اكابر .. اصالة
توقعات برج الميزان اليوم الاحد 10 يناير 2021 ماغي فرح
الميزان ♎
مهنياً:يومك في حركة واتصالات وناس جديدة واجواء حلوة بعزائم ومع حدا بالعيلة او اهتمام بالعيلة وزيارات .. عم تحل مشكلة عندك وعم تشغل بالك بأكتر من قصة ويمكن في امور بتخص اوراق او تغيير سكن وعقارات بشكل عام حتى بكون عندك فرصة لتسافر او تعمل مسوار وتتقرب من ناس بتحبن ممكن مقبل على شغل جديد لتحسن امورك المادية قادر توصل وتنجح لانك كتير سلس بتعامل ومتفهم لمحيطك وبدي باركلك على شي قريباً ..
عاطفياً:في حكي بيومك وتواصل طويل وصل مشاعرك وعاطفتك بشكل صح وتقضي وقت مع الشريك .. اطلالة مميزة وحكي حلو ودبلوماسي بكلشي ممكن لقاء واتفاق على شي مهم وقصة عم تشغل الشريك حاول توقف معو .. البعض الحياة مابتوقف على حدا حاول توقف من جديد واستغل دعم ناس الي بتحبك ..
صحياً:ريح حالك هاليوم وبحاجة لقسط من راحة لتستعيد طاقتك وعافيتك ..
❤غنيتك ❤اليوم:انا تعبان من غيرك…تامر حسني
توقعات برج العقرب اليوم الاحد 10 يناير 2021 ماغي فرح
العقرب ♏
مهنياً:يوم في حركة وتنقلات وقصص مالية عائلية .. مشغول بالك باكتر من قصة وعم تفكر بمشروع جديد لهيك بدي منك تحدد خياراتك وتهدي بامور العيلة مصاريفك كترانة مسلتزمات وحاجيات ومصاريف بلا طعمة والجيوب فاضية .. رتب امورك المالية وضروري تفكر بشغل او دخل تاني .. البعض ممكن يجي مال بس انتبه من المعاملات او تخسر مال او يضيع منك .. علاقات اجتماعية بيومك وفيك تجهز لتنقل او سفرة قصيرة اذا بدك او تاخد اجازة وخبر حلو ناطرك قريباً…
عاطفياً:عم تعاني تعب عاطفي وبحاجة لعلاقة تطلعك من وضعك بس رغم كلشي انت في لا تتسرع وخود وقتك .. بحاجة لمبادرة ولا تيأس من شي كلشي بوقتو حلو .. حاول تحافظ على علاقتك ولا تحسم اي قرار بيومك .. استغل الوضع لتتواصل ويكون في نقاش هادئ لتحل مشاكلك مع الشريك بهدوء وتركيز وبتوقع حدث مهم رح يصير قريباً .
صحياً:امورك بتتحسن ومافي خوف عليك شوية ارهاق فكري وقلق ..
❤غنيتك ❤اليوم:قالو سعيدة بحياتها…اليسا
توقعات برج القوس اليوم الاحد 10 يناير 2021 ماغي فرح
القوس ♐
مهنياً:طاقة ايجابية ونقطة البداية لتغيرات قادمة .. عم تكون متحرر اكتر وعم تابع اعمالك ورح تحصل شي مهم وممكن مكافئة او عرض جديد .. متفائل وعندك افكار كتير بدك تعملا وحلول لمشاكل بلاخص ادارية او مالية ويوم داعم بالمال .. يوم جيد اجتماعياً تواصل ومحبوب وعزائم وتغييرات بشكل واتصال وخبر حلو ..
عاطفياً:اجواء حلوة وفي اعجاب تواصل وعم تحاول تعمل تقارب على لاقل ليصير تفاهم وانسجام اكتر ولا تخلي لبعض يأثر على علاقتك .. حاول تحافظ على علاقاتك من اي توتر وتكون دبلوماسي وتفهم الوضع يوم داعم حاول تستغلوا وكون جاهز لعلاقة جديدة والبعض انتبه على اسرارك ..
صحياً:بتحس بخربطة بجسم والبعض في التهابات او كريب ..
❤غنيتك ❤اليوم:حكيو عينيك .. ريان
توقعات برج الجدي اليوم الاحد 10 يناير 2021 ماغي فرح
الجدي ♑
مهنياً:مرق هاليوم ع خير ولاتعمل شي تندم عليه .. مانك راضي عن وضعك لهيك بدي منك تفكر صح وتخلي كلشي يمشي ع طبيعتو لا تغط ع حالك وكلشي رح يكون تمام بعد هاليوم عم تفكر بعقد وعم تشغلك امور شراكة وخلص التزاماتك .. عم تشغلك قصة اوراق وعقد وبدك لتلحق بس سرعة ممكن توقع بخطأ انتبه .. هدي بعلاقاتك مع المحيطين وزملاء ولا تكبر القصص ..ضب ايدك على مصاريفك وممكن مال او حوالة الك وناس جديدة والمسا بتبلش ترتاح من ضغوط كتيرة ..
عاطفياً:افكار كتيرة عم تراودك بس انتبه تنهي علاقة .. عم تحس انو في بعد بمشاعرك وشريك بعيد عندك وانت مالك نفس ع شي يوم في حسم وحلول وتواصل مع شخص جديد واتصال .. لا تفوت بعلاقة مارح تجبلك نتيجة ورح تسبب الك بعض المشاكل او ممكن تخسر علاقتك بشخص .. من المسا انا شايف امورك افضل وتغيرات حلوة ..
صحياً:ممكن تزور طبيب اسنان ومشاكل مفاصل واسفل ظهر والتهابات جلدية ..
❤غنيتك ❤اليوم:فكرتك صح .. أدم
توقعات برج الدلو اليوم الاحد 10 يناير 2021 ماغي فرح
الدلو ♒
مهنياً:يوم داعم بالمال والعاطفة وعلاقات وعزائم ..
عم يكون في دعم من اشخاص الك وعم تعزز وضعك العام بشغل وبعلاقاتك وبتلاقي مين واقف حدك وبساعدك وقادر تقنع وتوصل وتكون محوري بيومك وعم تكسب الثقة من جديد باشخاص مهمة او مسؤولين .. في اتفاق ونقاش ومال ممكن يجيك من ورا هاشي ركز لتحصل عليه .. في تنقلات وسفرة قصيرة واتصال مهم وعزيمة وسهرة واهتمامات صحية ممكن بالعيلة ..
عاطفياً:علاقتك فيها تطور وتغير بعلاقات صداقة لحب ويوم عم يكون في حب ورومنسية واعجاب فيك .. استغل المواقف لتطلع من وضعك وتكون منيح يوم حساس الك لازم تعرف كيف تحط نقاط على الحروف وتفتح قلبك للحب من جديد وتكون متفهم بالاخص المتزوج والمرتبط وتركز على كلامك وتصرفاتك .. بتوقع انو في حب ناطرك او علاقة قديمة عم تتجدد او سرية للبعض ..
صحياً:حموضة مزعجة ومشاكل بجهاز البولي ..غير جو و رفه عن نفسك وصحة حدا بالعيلة ..
❤غنيتك ❤اليوم:بعدك متل ما أنت .. معين شريف
توقعات برج الحوت اليوم الاحد 10 يناير 2021 ماغي فرح
الحوت ♓
مهنياً:يوم بحاجة لتساير وتكون بقمة دبلوماسية لتقدر تتجاوز امور بتخص شغل وعلاقاتك مع بعض الاشخاص .. فكر منيح وأختار صح يومك في قصص فيها سمعة او شهرة .. وممكن البعض عندو اختبار وقصة اوراق وشي بخص وظيفة او عمل او نقل وامر قضائي .. روق ولا تستعجل وخلص شغلك بلا ماتسمع شي كلمة وقصة أب عندك ومال من شغل اجواء اجتماعية افضل ولمة حلوة وناس بتحبا ومشوار المسا ..
عاطفياً:في اعجاب وناس عم تحاول تتقرب وممكن اشخاص مشهورة .. المرتبط روق هاليوم وحاول لا تصعد الخلافات وتجنب كل اشكال الغيرة وتملك بتوقع انو العلاقة مهددة حاول كتير تبتعد عن العصبية بشكل كبير مرق هاليوم على خير بس .. قدامك فترة منيحة بتحملك ارتباط وتغييرات مستقبلية حلوة ..
صحياً:اضطرابات بجسمك ومشاكل هضمية وقصة انجاب وممكن زيارة لطبيب او مراجعة ..
❤غنيتك ❤اليوم:أنا في بعدك مش انا .. فارس كرم
