زوجة ايهاب الرجبي الذي قتل في مشاجرة تنعاه بكلمات مؤثرة
كتبت زوجة إيهاب الرجبي ضحية جريمة القتل التي وقعت قبل أيام في كفر عقب قرب مدينة القدس، كلمات نعت فيها زوجها، وانتشرت كالنار في الهشيم عبر مواقع التواصل الاجتماعي.
وقالت زوجة الرجبي: “قلبي وروح روحي وردة حياتي ونور عيوني والله فراقك صعب وكثير ومحروق قلبي كثيير مش شوي، بس بشكر ربي انك عندو وبعرف شو يعني الواحد يكون بين ايدين ربه، راحتك ريحتني خليتنا مرت الشهيد واولاد الشهيد واهله… الي مصبرني عفراقك انو انت شهيد وعند ربك، ورحت ظلم وغدر وطلعت من الدار مبسوط ومرتاح، وشفتك زي البدر بتضوي، وكان وجهك غير شكل مش زي كل يوم. حبيبي انا ما راح ازعل عفراقك لانو حاسسته عرس، والله باجي بدي اعيط شوي وبتذكر انك شهيد بفرح.. حبيبي كل الوقت بدعيلك يا روح الروح انتا طلبتها والله اعطاك. انا زعلي ع اولادنا بس ربنا كبير وبياخد حقهم وحقك والله عالظالم… اليوم قعدت مع حالي وحكيت معك وحسيت كانك جاوبتني وريحت قلبي ضلك احكي معي الله يرحمك برحمته”.
وتوفي الشاب إيهاب الرجبي، الجمعة، متأثرا بجراحه التي أصيب بها في مشاجرة عائلية قرب القدس، حيث كان الضحية الرابعة للمشاجرة.
