الفنان “أحمد زاهر ” يصرح : طلبت إجهاض ابنتي ليلى… تفاصيل

أجرى الفنان ” أحمد زاهر ” حوارا مع الفنانة ” مي عمر ” في برنامج ” بصراحة مع ” المذاع على قناة ” mbc ” والذي كشف من خلاله عن الظروف التي كان يمر بها وقت حمل زوجته بإبنته الثانية ” ليلى ” وتفكيره في إجهاضها .

فقال أحمد زاهر إنه بعد زواجه وإنجابه لإبنته الأولى ” ملك ” وأخذوا هو وزوجته للاحتياطات لعدم الحمل مرة أخرى في ذلك الوقت ثم فؤجئ بعد ذلك بحمل زوجته هدى بإبنته ليلى .

وهو الأمر الذي أثار القلق والخوف لديه من الفشل بتحمل المسئولية .

وتابع : ” بيبي تاني جاي وأنا معنديش شغل السنة دي .

أنزله وهدى كانت رافضة تماما إنها تنزل البيبي وأنا قولت بيبي تاني في الظروف دي هصرف عليه إزاي ” .

وعن سبب تغيير أحمد زاهر لموقفه أرجع ذلك لرؤية رأتها والدته قائلا : ” فضلت كده لغاية ما أمي مرة كلمتني في التليفون وقالتلي أنا حلمت حلم جالي هاتف كده اللي هو الآية ” ولا تقتلوا أولادكم خشية إملاق ” دي عطية وهدية من ربنا سبحانه وتعالى إنت بترفضها إنت مجنون ” .

وأضاف : ” الجملة دي أثرت فيَّ قوي وحسيت برعشة لما سمعتها وقولت خلاص أنا هسيبها وعلى الله .

جه بقى ساعة الولادة أنا بدخل مع مراتي غرفة العمليات ليلى أول ما اتولدت نزلت زرقا والحبل السري كان مربوط حوالين رقبتها ومن غير صوت .

مر عليا دقيقتين لغاية ما طلع الصوت وبدأت تعيط كإنهم سنتين ” .

واستكمل أحمد زاهر عن ما دار بداخله حينها : ” أنا كنت هضيعها طب ما هي ضاعت أهي .

طب أنا هقول للست دي إيه لما تقوم .

إن ربنا بيقولي مش إنت مكنتش عايزها طب انا هاخدها منك دلوقتي بعد ما وصلت .

حسيت بقبضة كده لغاية لما عيطت ولونها بدأ يفتح عيطت عياط وكنت في إنهيار لدرجة إن الدكتور قال لي أرجوك خد بنتك وإطلع بره ”