رسالة من صديق مجدي التل الى والده:كلامي مش لانك عداوة مع ابني اللي تمسخرت عليه

وجه احد زملاء المرحوم مجدي التل في الجامعة رسالة الى والده الذي قتله طعنا يوم امس الاحد بعد خلاف شب بينهما.

وقال صديق المرحوم مجدي في منشور عبر فيسبوك:

مجدي التل من الشباب الي اخذت معهم محاضرة حرة بيئة وصحة عامة شاب فيه حيويه وشغف لدرجة لا توصف انسان بحب الضحك والحياة قعدت معه ممكن مره او مرتين بداية صحبتي معه كانت من موقف شفته غلطان شوي فيه فرحت عليه وحاولت انصحه كان جدا جدا متقبل للنصيحه وروحنا مبسوطين وتقريبا كل محاضره كنا نشوف بعض ونضحك وندردش شوي كان انسان بحب يساعد ولو شو ما تطلب منه ما بقصر وكان يضل يحكيلي والله انته مثل اخوي يمحمد
هسا راح ما في مجدي
خلص الفصل وممكن بعدنا عن بعض فترة طويلة
واليوم هيني بسمع خبرة وفاته

احنا كبشر دون تعميم بنكسر بعض وبنشوه بعض دون ما نحس او نفكر بلحظه ممكن ينتهي كل شيء وممكن نموت
اسبوع وبتروح حادثه مجدي وعبود وغيرهم من الشباب
وبنرجع اسوء من قبل
وبنرجع نوكل بعض
حتى مستحيل نفكر نعدل شخص او ننصحه لا بالعكس بنفضحه وبنشهر فيه وبنتمسخر عليه
حتى مستحيل نتخيل نفسنا بيوم نغلط وكل الناس توقف ضدنا وتصير تضحك علينا ما بنفكر نكون بنفس الموقف بنحس حالنا معصومين من الخطا والله لو حطينا حالنا ل لحظة مكان الشخص ما حكينا كلمه عاطله
اي انسان ممكن يغلط بيوم من الايام بس اتذكر انك يمكن كنت سبب بتشويه نفسيته هوه مات ممكن سامحك وممكن لا
كلامي مش عشان ابني عداوه معك يلي تمسخرت عليه بس حاب احكيلك حبوا بعض انصحوا بعض بالاسلوب الكويس لانه والله الحياة مش مستاهله و بثانيه ممكن تموتني او تموتك زي ما موتت مجدي
واعتبر كلامي نصيحه جايه من مكان سلام