اردنية في مجموعة:انصحوني زوجي يخرج ريح دون خجل والزوج يعلق:انتي طالق

اشتكت سيدة اردنية عبر احدى المجموعات الاجتماعية الاردنية عبر فيسبوك من زوجها وقيامه باخراج ريح بكثرة امامها دون خجل منها ليرد عليها زوجها بتعليق كتب فيه:انتي طالق.

وما كانت ردة فعل الزوجة الا ان ثقامت بحذف المنشور على الفور ويبدو انها لم تكن تعلم ان زوجها عضو فيها..

وتاليا ما نشرته السيدة..

السلام عليكم يا مجتمع

بدي نصيحتكم مع احترامي الكم المششكله شوي محرجه
بس سببتلي كتير مشاكل و قرف نفسي لانه ما بقدر احكي فيها لاي حدا قريب استشيره
انا ست متزوجه من ١٠سنوات
مشكلتي مع زوجي انه ( بخرج ريح او صوت ) مو عارفه كيف اشرحلكم اياها بس اكيد فهمتوا قصدي

هاد الشي من اول شهر زواج متل كانه اخد عليي و بطلت تفرق معه ازا سمعت او شميت شي منه
كتيييير حكيت معه بعدة اساليب اشي مزح و اشي ضحك واشي جد و اشي حكيتله انه انا بقرف و ما بتحمل اسمع او اشم اي ريحه كريهه
وهو ولا عنده ولا عند باله بصير يضحك و بحكيلي عادي انا ببيتي و حر ببيتي
اتعودي على انه تسمعي هيك موسيقى و احمدي الله على وجودي واحكي اللي يديمني واضلك تسمعي مني هالاصوات

يا جماعه ما بتفرق معه بعملها بقصد يعني والله لو انه مريض او معه قولون او ما كل شي بنفخ بحكي و بعذر بس الشي صار مقرررف زياده عن اللزوم ومستفززز و فيه عدم احترااام
لدرجة انه انا بطلت اتحمل اسمع اي صووووت لا شعوريا بنرفز
حاليا صار بينا مشكله كبيره على هاد الموضوع لانه عملها على الاكل وانا عملت مشكله و صرت اصرخ و تركت الاكل وحكيتله و الله عيب انك تعمل هيك وخصوصا على الاكل اذا ما بدك تحترمني احترم نعمة الله
و حكيت كتييير و قليل من قهري و من قرفي لاول مره

السيد زعل و عصب وصار يغلط عليي قال ليش بحكي معه بهاد الاسلوب قدام اولاده واني بقلل هيبته و قيمته قدامهم وانه هو حرررر ببيته
حكيتله ما انت اللي عملته قدامهم و على سعهم

شوووو اعمل شو اتصرف معه انا بطلت اتحمل صار شي نفسي عندي وهاي المشكله شكلها رح تكون الشعره اللي قسمت ظهر البعير بغض النظر عن المشاكل والاختلاف اللي بينا بس خلص شكلها رح تكون المشكله الاخيره

مع العلم هو نظيف على حاله و بهتم بحاله
بس هالموضوع عنده اياه مباها و انه مش فارقه معه بس عندي بالبيت و على مسمعي من دون اي خجل