اردنية تروي ما حصل معها:وجدت زوجي وسلفتي الارملة معا قي غرفة نومي ومحتارة بموقفي الان
روت عروس اردنية قصتها مع زوجها ، حيث قالت إنها عروس منذ خمسة شهور ولها سلفة أرملة كانت هي سبب مشكلتها حيث قالت السيدة:
مرحبا الاعتراف لصاحبتي انا عروس تجوزت من ٥ شهور وعايشه بعمارة العيله وكل شقه فيها بيت اخ وحتى بنات حماي ساكنين فيها مع جوازهم وفي عند جوزي اخ متوفي بس مرتو وولادو ضلهم بالبيت وجوزي واخوان بصرفو عليهم وانا ضربت صحبة مع بنات حماي وسلفاتي وكتير حبينا بعض بس طبعا ما بوثق بحدا انا
الا سلفتي الأرملة ما قبلت تحكي معي وما بتطيقني وكل ما يجيها فرصة تحكي معي بتحاول تبيني اني ما بستاهل جوزي وانا مختصراها وبعدت عنها بس كنت دايما ملاحظة انو نظراتها هي وجوزي مش مزبوطين بس انا بكذب حالي
وكنت كل أسبوعين أنام عند اهلي ليلة وبيوم سلفتي الكبيرة رنت علي وحكتلي انو جوزي دخل سلفتي الأرملة على بيتي وهي لما عرفت اني مش بالبيت اتصلت علي بسرعه وانا انجنيت بس ما بقدر اروح هلأ عالبيت عشان المسافة
ومرقت علي هاي الليله زي السم وبعد اسبوع رجعت حكتلو بدي اروح عند اهلي وهو ما عارض وانا اتفقت مع سلفتي انها تراقبهم وانا ما رحت عند اهلي رحت عند اختي يلي ساكنه قريب مني ولما سلفتي شافتهم رنت علي وانا طلعت اركض بالشوارع زي المجنونه ورحت عالبيت وشفت المنظر يلي كلكم متوقعينو وغطيتها وسحبتها من شعرها ودعست عليها ونزلتها هي وجوزي عند بيت حماي وفرجيتهم ياهم وصارو يغضبو عليهم واخدوها عند اهلها وابوها كان راح ي.ق.ت.لها بس امها هربتها على حماية الاسرة
وجوزي صار يترجاني اني اسامحو وانا رحت عندهم اهلي وبعد ما فترة شهرين انا وافقت اني ارجع بشرط انو يتنازل عن الشقه تاعتو باسمي لاني ما يضمن مستقبلي مع واحد زيو وهو وافق هلأ المشكله الكبيرة انو سلفتي صار في عليها قيد *** ودار حماي ما بدهم يخلو ولادها معها واخدو منها الوصاية وفرقو بين ام وولادها وانا مستحيل اقبل بهاد الاشي لاني بحس حالي الي دخل
انا بقدر اقنع دار حماي يرجعولها ولادها بس مش عارفه ازا أقدمها معروف ولا بكون هبلة؟
وهي راح تنجن على ولادها
