هل ظلم الحكم فيكتور جوميز منتخب مصر أمام السنغال؟.. خبير تحكيم يجيب

علق الكابتن جهاد جريشة، خبير التحكيم الدولي، على أداء الحكم الجنوب أفريقي فيكتور جوميز، خلال مباراة المنتخب الوطني أمام السنغال في نهائي كأس الأمم الأفريقية، قائلا: «بمنتهى الأمانة عمل ماتش كويس».

مفيش حاجة نقدر نمسكها على الحكم

وأضاف «جريشة»، خلال اتصال هاتفي ببرنامج «من مصر»، المذاع على شاشة قناة «cbc»، ويقدمه الإعلامي عمرو خليل، «الماتش مكنش فيها حاجة مؤثرة، والحكم كان عامل ماتش طول الوقت كويس، كان فيه أخطاء عادية في نص الملعب ممكن تحصل مع أي حكم، لكن مفيش حاجة نقدر نمسكها عليه».

واقعة إعطاء الصافرة والكارت لـ«صلاح» غير مقبولة

وعلق «جريشة» على إعطاء الحكم الكارت والصافرة لمحمد صلاح قائلا: «الحركة دي مش مقبولة في التحكيم على المستوى الدولي بالمنظر ده، لكن بشكل عام مشفناش حاجة منه نقدر نتكلم عليها، ومجاملش السنغال».

واقعة إعطاء الصافرة والكارت لـ«صلاح» غير مقبولة

وعلق «جريشة» على إعطاء الحكم الكارت والصافرة لمحمد صلاح قائلا: «الحركة دي مش مقبولة في التحكيم على المستوى الدولي بالمنظر ده، لكن بشكل عام مشفناش حاجة منه نقدر نتكلم عليها، ومجاملش السنغال».

ضربة جزاء السنغال صحيحة

وأكد أن ضربة الجزاء التي لصالح السنغال كانت صحيحة، كما أن الإنذارات كانت في محلها ومستحقة لكلا المنتخبين، «بس كان فيه إنذارات مستحقة للسنغال ومدهاش لهم، والعكس صحيح بالنسبة لنا، لكن في الماتشات الكبيرة أو النهائية بالحجم دة مقبول جدًا من الحكم، عشان ينجح الماتش».

أنا مصري بس مش بحلل بالعاطفة

واستكمل: «الحسابات في الماتشات الكبيرة والنهائية بتكون مختلفة، احنا مش عاوزين نتكلم بالعاطفة، انا بردو مصري زي باقي المصريين، بس أنا بتكلم على مستوى جوميز العام، الراجل مستواه مقبول وعمل ماتش كويس».

كنت مستاء من التحكيم في الماتشين اللي فاتوا

وواصل: «في الماتشين اللي فاتوا، الحكم السنغالي في ماتش المغرب والحكم جاساما في ماتش الكاميرون كلنا كنا مستائين من التحكيم في الماتشين اللي فاتوا»