شقيقة غرام الطراونة:دقيت الباب وما فتحتيلي لا انتي ولا محمد

اعربت شقيقة غرام الطراونة عم المها ووجعها الشديد بفراق شقيقتها يوم أمس الاثنين وقالت في منشور لها عبر الإنترنت:

يعني هيك خلص رحتي عني وتركتيني لحالي ، ليش ما خليتيني اودعك واشوفك يا غرام ، طيب لما اطق على باب دارك مين بده يفتحلي الباب انتي ولا محمد ، طيب لما اتضايق يا خاله على مين اروح واقعد واسمع الكلام ، على مين اروح ومع مين اضحك على مين اروح وافضفض ، رحتي انتي ومحمد وتركتوا عمار يظل بينا وتظلوا عايشيين فينا .
اخر كلام بيني وبينك على المحادثه اظل اتفرج واتحسر
منا متخيل اقعد عند قبرك واسولف معك
انا لما اقول الله يرحمكوا يا غرام ومحمد عقلي اصلاً ما بصدق انا ويش بقول ، ااااخ يا غرام ومحمد تركتوا فراغ كبير في حياتي ، كسرتوني وهديتوا حيلي
كأنه متفقين تتركوا كل الدنيا وتلتقوا عند ربنا ،
الارض ما قدرت تحمل طيبه قلبكوا وحسن نيتكوا
صار بدها تحضنكوا .
مع مين احكي يا غرام واسولف ، مع مين يا محمد احكي واسمع نصائح .
كنت بستنى اليوم اللي تهبط فيه طيارتي على الاردن واول ما ازوركوا انتوا ، هسا صرت ودي ازور قبوركوا
لا اعتراض على حكمك يا ربي والله الواحد ما بزعل من الموت بس بزعل على الذكريات والايام والله الواحد مو قادر يستوعب الواقع اللي عايش فيه ، وبدعي ربنا هالايام كلها تطلع حلم .
من الكسرات التي لا تجبر
ايام اثقل من جبال وتواريخ حتظل محفوره في القلب والعقل ، ما تركتوا ايام بين بعض نعزي بعض على الاقل .
محمد 27/4/2022
غرام 2/5/202٢
اللهم اجمعنا بهم في جناتك جنات النعيم يارب
اللهم ارحمهم واغفر لهم واجعل قبرهم روضه من رياض الجنه يا ارحم الراحميين اللهم آمين
اللهم اجبر كسرنا واجرنا في مصيبتنا .