فيفي عبده تكشف سبب طلبها الطلاق

كتبت : فاطمة سعد

كشفت الفنانة فيفي عبده عن موقفاً مرت مع زوجها وكان سينتهي بالطلاق، خلال استضافتها ببرنامج كلام الناس الذي تقدمه الإعلامية ياسمين عز على قناة mbc مصر.

وقالت فيفي: “مرة جوزي علّى صوته في أول الجواز وأنا فنانة، وقدام اتنين صحابه، قلت له أنا لازم أطّلق علشان عليت صوتك عليا”

وأضافت: “اللي حصل ده معناه إني ست مش محترمة، وقولتله يا أما تجيب الناس اللي زعقت لي قدامهم وتقول لي أنا آسف، وجابهم فعلًا علشان ميطلقنيش، لأن الاحترام والتقدير لازم يكون متبادل”.

وتابعت: “أنا عندي شهادة الخبرة ومش بعرف رجالة أو أعاشرهم قبل ما أتجوزهم، وبعد ما أتجوزهم بجرب إذا كان سخي ولا بخيل وألاعبه كوتشينة على فلوس، علشان أعرف لو خسر هيتنرفز ويضايق فأعرف إنه بخيل”.

يذكر أن آخر أعمال فيفي عبده كان دورها في مسلسل “شغل في العالي” الذي خاضت به السباق الدرامي لشهر رمضان الماضي 2022، وشاركها بطولته النجوم شيرين رضا ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، إخراج مرقس عادل وتأليف حسين مصطفى محرم.