سعد الصغير عن طلاق “بوسي”: غضب من ربنا واتجوزت هشام ربيع عشان فلوسه

علق الفنان سعد الصغير، على طلاق المطربة بوسي من رجل الأعمال هشام ربيع بعد عام ونصف من الزواج.

وفي تصريحات لموقع القاهرة 24، قال سعد الصغير: هشام ربيع كان لازم يطلق بوسي عشان هي كانت وخداه عشان فلوسه، هي لحقت تحبه إمتى بدليل الألفاظ اللي قالتها يوم فرحها هي لو بتحبه كانت قالت عليا الطلاق أبوظ الجوازة دي؟ّ! ده يدل أن مفيش حب.

تابع سعد الصغير: “اللي مقوي قلب بوسي الفلوس لكن لو ليها كبير كانت عرفت أن اللي بتعمله غلط”.

أما عن عدم زيارة بوسي لزوجها هشام ربيع، قال سعد الصغير: “لما هشام دخل السجن، بوسي ماكانتش بتزوره عشان عليها قضايا وممنوعة من السفر، والطلاق ده غضب من ربنا وذنب أبوها.. لو كانت عاشت مع هشام ربيع كانت هتبقى مليارديرة”.

وكان رجل الأعمال هشام ربيع، قد أعلن انفصاله رسمياً عن المطربة بوسي، بعد أيام من براءته من القضية الملفقة له بسبب طليق بوسي، بحسب ما أكدته تحقيقات النيابة، في الوقت ذاته تجاهلت بوسي كل الأخبار المنتشرة دون رد صريح منها حول طلاقها.

وفي تصريحات خاصة لموقع “القاهرة 24″، أكد هشام ربيع، أنه لا نية للعودة للمطربة بوسي بعد انفصالهما، لافتاً إلى أنه يركز هذه الفترة على عمله وشركاته، ويعيش حياة مستقرة مع زوجته الأولى منة والدة أبنائه التي عرف معدنها الأصيل، في الأزمة التي مر بها بعد دخوله السجن بسبب زوج طليقته بوسي ووصف تجربة زواجه من بوسي بـ “غلطة حياته”.

وأضاف: “أنا موجود في بيتي مع ولادي، وعندي شغلي ومركز فيه، ومش فاضي ليها، ودلوقتي ليا بيتي وشغلي فقط ولا يوجد محاولات للرجوع، وزوجتي منة عايشة لولادها فقط، وهي دي الزوجة الأصيلة لكن الواحد مش بيتعلم ببلاش والشدة تظهر كل شيء”.

وأضاف هشام ربيع: “الناس دي لا يصلحوا للحياة الزوجية بيتجوزا ويطلقوا وبيعدوا الأيام اللي بيطلقوا فيها أو يمكن بيكونوا ناويين ودي حياة مش شبه حياتنا إحنا فلاحين وعندنا أصول”.

وأعلن هشام ربيع انفصاله رسمياً عن بوسي الأسبوع الماضي، بعد زواج عام واحد فقط، وذلك بعدما تم حبسه بسببها لمدة 4 شهور، مشيرًا إلى أنها لم تقف بجانبه في محنته رغم أنها السبب.

وقال هشام ربيع حينها عن سبب انفصاله عن بوسي، أنها لم تقف بجانبه بعد دخوله السجن بسببها، موضحًا: وقفت معاها لأن أي راجل مراته هتتعرض لابتزاز أكيد مش هيسكت، وأنا جبت لها حقها، ولكن ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، لأنهم كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملوا لي مشكلة، وملقتهاش جنبي، أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة”.

وتزوجت بوسي من هشام ربيع في شهر مايو العام الماضي في أحد فنادق القاهرة الكبرى، وسط حضور عدد كبير من نجوم الفن.

يُشار إلى أن هشام ربيع سُجن لمدة أربعة أشهر بتهمة الاستيلاء على شيكات بمبلغ 8 ملايين جنيه من المنتج الراحل وليد فطين طليق بوسي الأول، ولكنه حصل مؤخرًا على براءة من التهمة، وبمجرد خروجه من السجن أعلن طلاقه من المطربة بوسي.