إيناس الدغيدي: “مستحيل أبقى زوجة تانية لكن ممكن أبقى حبيبة” –

علقت المخرجة إيناس الدغيدي، على علاقات الحب في حياتها قائلة: «برجي برج الحوت بتاع الحب، لكن حبي دلوقتي مختلف، ممكن أحب حد مشوفهوش، في حد بحبه بس هو مش عارف، وشايفة إن ده الراجل اللي بتمناه، مش هقوله ولا أبين له، بحب شخصيته وقوته ومش شكلًا، بحب الراجل اللي عنده باور فلوس وسلطة، ومش ممكن أقوله، وكبريائي بيخسرني، بشوفه بس ميعرفش إني معجبة به، وأوعدك لو علمتيني هعمل كدة ومش معايا رقم تليفونه حتى».

وقالت المخرجة إيناس الدغيدي، خلال استضافتها ببرنامج «أسرار» مع الإعلامية أميرة بدر المذاع على قناة «النهار»: «بيعجبني كل حاجة فيه بس متجوز ومبجيش ناحية المتجوزين».

وأردفت: «زوجي لما حبني كان متجوز، ولا يمكن أبقى زوجة ثانية، لكن ممكن أبقى حبيبة، تفرق كتير، لأن الحب أوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية أشوفه مرتين في الأسبوع، لكن لو ساب وجه هتجوزه بس مش هقوله أعمل كدة، مش هحب بدون إرادة، انما لو مخططة وراسمة ده مش حب».