توفى أسامة البسيوني مدير الإدارة التعليمية بالباجور نتيجة توقف مفاجئ في عضلة القلب .. أثناء زيارة وزير التربية والتعليم لعدد من مدارس الباجور.. شهود العيان بيأكدوا إن مدير الإدارة تم تعنيفه ونُقل بعدها إلي مستشفي الباجور قبل استكمال باقي الزيارة.
مستشفي الباجور كتبت في تقريرها إن مدير الإدارة وصل الاستقبال نتيجة توقف في عضلة القلب وتم عمل إنعاش لعضلة القلب وتركيب أنبوبة حنجرية وإعطاء أدوية ولم يستجب المريض وتم إعلان الوفاة.
تجاهل الوزارة في بيانها لحالة الوفاة، قصاد كلام الشهود عمل حالة هجوم علي الوزير اللي أصلا عنده طريقة ولهجة مع الناس عنيفة.. لسنا ضد الوزير ولا ضد أي قرار ياخده مادام في إثبات علي التقصير، لكن في الحالة دي عندنا بيان رسمي بيتكلم عن نجاح المنظومة التعليمية في الباجور وشهود عيان بيأكدوا تعنيف الوزير للراجل اللي مات.
في انتظار بيان واضح من وزارة التربية والتعليم ينهي حالة الجدل دي.
