فيديو : إعلامي يهاجم محمد رمضان بعد رمي الدولارات على الجمهور
هاجم الإعلامي المصري محمد موسى الفنان محمد رمضان بعد قيام الأخير بإلقاء النقود على الجماهير خلال حفله ضمن فعاليات موسم الرياض على مسرح محمد عبده أرينا في المملكة.
وقال محمد موسى عبر برنامج “خط أحمر” على قناة “الحدث اليوم”: “إنه تصرف مستفز وفعلا أغضب ناس كتير بعد ظهوره ماسك شوال عليه علامة دولار وبيرمي الفلوس على الجمهور.. أنا عايز أفهم هو بجد الكلام ده حقيقي بيرمي دولارات على الجمهور؟؟؟”.
وتابع: “لو الكلام ده حقيقي.. هو ينفع يرمي نعمة ربنا ونرمي الفلوس بهذا الشكل.. أنا شايف إن ده عدم احترام للجمهور اللي جاي يسمعه.. طب لو دي مش دولارات حقيقية؟؟.. هو بيعمل كدة ليه؟؟ عايز يوصل رسالة معينة ويوري الناس إن الفلوس تحت رجله؟؟.. أنا مش فاهم إيه الرسالة اللي عايز يقدمها بالطريقة والسلوك ده”.
وأضاف: “هو الراجل ده بيعمل التصرفات دي عشان يطلع تريند وكل الناس تتكلم عنه؟.. إنت متقدرش تكون بتتصرف بشكل سوي وكويس قدام الناس؟.. حتى لما حد يقلدك تكون قدوة كويسة مش مصدر ضرر له!.. كفاية بقى نصدر صورة عبده موتة والبلطجة.. يا ريت نتعلم من أخلاق النجوم الكبار اللي عمرنا ما سمعنا حد فيهم بيعمل تصرفات زي دي”.
